2006年08月16日
小丑
今天逛街散步 隱隱我感覺到
街中有些哄動 急急轉身探討
原來 原來人在看那小丑到步
街坊笑他太笨 將心送給女人
應知這種態度 今天已經老土
我方覺那小丑原是我 我閃縮上路
Woo Hey Ho 莫明憤怒
Woo Hey Ho 未明怎做
你既不愛小丑 怎麼昨天
偏要裝作跟他要好
當初你經我路
偷偷我醉倒 心窩我急送贈
可惜你只當草 你把我變小丑
然後你再瀟灑上路
Woo Hey Ho 莫明憤怒
Woo Hey Ho 未明怎做
各位請看小丑 傷心跌倒
請拍掌再高聲叫好
15:35 發表於 Music | 永久網址 | 留言 (0) | Email this
2006年08月11日
新世界十九廣告
最近新世界個乜鬼實在．真意廣告系列出街.
其中有一個講個細路著到Forrest Gump咁果個, 我睇左好多次都唔Ｑ知佢想點! 懶深情, 好似好有意思咁, 有冇人可以話我知個廣告做乜?
15:02 發表於 Feeling | 永久網址 | 留言 (0) | Email this
2006年08月01日
蒼天航路
呢本漫畫由1994年追到今日終於完左. 想當年呢本有新角度, 破格畫風既三國漫畫大開小弟眼界. 呢本"日漫" 係由韓國人, 研究漢學既李學仁創作, 加上畫風"大開大合"既日本漫畫家王欣太, 描寫出武人戰鬥時氣勢迫人, 又表達到當時文人, 詩人, 思想家等漫遊天際, 創意無限既想像力, 實在非常精彩.
蒼天航路以我所知可以算係漫畫界中比較早會用另一個角度講三國, 以曹操作為主角, 亦以曹操死作完結. 其中有些利用歷史上空白, 加上想像的情節十分精彩. 當然亦有每個研究三國既人都會做既就係幫一d 人物翻案, 有不少名不經傳, 或者被小說故事歪曲的人物, 都會花心思去作出描寫.
雖然香港人, 香港漫畫迷都好鍾意三國漫畫, (當時最流行既係李志清三國志, 龍狼傳, 到而家既火鳳燎原) 但係蒼天航路晌香港從未算係好流行.(香港代理文化傳信出到16期直頭斷埋尾, 我之後係買台版) 我估計係故事內容太過直接/真實咁表達一d 色情同血腥場面, 同埋有不少漫遊天際既哲理研究. 頭幾期有大量色情場面, 為著表現曹操好色成性, 同時亦增加銷量, (日本漫畫慣用手法) 但晌香港就嚇怕左一班比較正經既讀者.
其實相同題材, 會以近年既香港陳某既火鳳燎原最受歡迎. 比較兩者, 我認為火鳳算係一本高質素漫畫, 但我始終選擇蒼天. 主要係我實在對火鳳大量原創人物同多次出現既 "計中計上計" 模式提唔起興趣, 未能夠投入, 有時有d 算死草既感覺; 次要既係畫風比較死板, 人物角色往往要靠大量服裝, 飾物去分別, 而我又唔係cosplayer, 實在未能欣賞... 題外話: 我覺得陳某早期既不是人相對出色一d, 成熟畫風加三國歷史懸案, 好精彩.
總結全套漫畫, 我最欣賞係佢重寫呂伯奢一段: 商人呂伯奢欣賞曹操, 願意用一切財力支持曹操起兵, 甚至放棄自己名字以成就曹操揚名(雖然係臭名遠播); 而最鍾意佢畫既角色就係孫權: 比起叔父輩既曹劉二人, 表現出年輕活力, 甚至有少少野性既霸主.
而家總算完左, 搵日由頭翻睇一次先.
16:20 發表於 Feeling | 永久網址 | 留言 (0) | Email this
2006年06月16日
亞叔講波
亞叔林尚義講埋今年無線得四場既世界盃之後就退休, 聽亞叔講波好多年了, 以前八十年代英國足總盃晌亞視到到後尾去左無記, 實在係"習慣"左佢既講波方式.
近年睇波要俾錢之後, 少左聽到亞叔講波, 而亞叔近年來記憶力都差左, 對答反應又慢左好多, 但風格不變, 依舊硬淨. "俾我隻腳都入啦","朝天腳 蜈蚣彈"," 賣老抽" 始終記憶猶新.
亞叔一向鍾情德國隊穩健沉著, 常以"德國球迷會主席"自居, 經常場中戲言要打俾"碧根巴"教路. 巧合既係, 今屆世界盃德國隊打出一股從未出現於德國隊既全新球風, 好似正好同亞叔將會完結廿多年講波生涯黎一個呼應...
14:39 發表於 Feeling | 永久網址 | 留言 (1) | Email this
2006年05月17日
愛與交響曲
以前曾經都有呢隻碟 (當時係一隻必買碟!) 但俾人老笠左.
呢幾日忽然諗返裡面有d 歌, 於是尋日晌二手鋪以四十蚊買返
差不多十年後聽返, 都係一樣咁好聽.
學友叔唱歌係好聽係人都知, 但有時有d 大路碟, 唱到識飛都好都係聽到好麻木
歌手同聽眾係需要新意既, 如果唔係你幾叻都係冇用.
呢隻同米高關正傑隻港樂都係非常襟聽, 百聽不厭.
10:51 發表於 Music | 永久網址 | 留言 (0) | Email this
三號木棉
今日三號強風之下木棉滿天飛,好好feel.
我試過吹左D入個口度, 或者當我打波週身汗時貼到我一身都係, 好痕架.
10:36 發表於 Feeling | 永久網址 | 留言 (0) | Email this
2006年04月28日
今朝咁大雨, 我扯唔到旗了...
由於雷暴警告，原定於今日上午八時，在灣仔金紫荊廣場舉行的升旗儀式，將告取消。
16:30 發表於 Feeling | 永久網址 | 留言 (0) | Email this